Psalm C.

1. Ghy volckeren des eerdtrycks al,
Singht den Heere met bly gheschal,
End dient hem met herten verhueght,
Verschynt voor sijn aenschyn met vrueght.

2. Bekent dat hy een Heere sy,
Die ons sonder ons toedoen vry,
Ghemaeckt heeft: end verworven fyn,
Tot schaepkens goet der weyden sijn.

3. Wilt tot sijnen tempel ingaen,
Doet van lof end danck oock vermaen,
In sijn schoone voorhoven soet,
End pryst daer sijnen naeme goet.

4. Want vol van goetheit is de Heer,
Sijn ghenaede duert jmmermeer:
Sijn godtlick Woort end sijn waerheit,
Blyven tot in der eewicheit.