Den lxx. Psalm.

1. O God wil dy doch haesten seer,
Om my genadelijck t’ontsetten:
Koim aen, koim stracx, wil niet lang letten.
Koim my te hulp, mijn God mijn Heer.
Laet doch die my staen na mijn leven,
In schande vallen ende smaet,
Laet worden die my gunnen quaet,
Te rug beschaemdelijck gedreven.

2. Dat al die my uyt schimp end hoon,
Ha ha naschreyen, ter oneeren,
Met schand end spot self wederkeeren,
Tot harer smading rechten loon.
Maer wie dy soeckt in alle dingen,
Sy in dy vrolijck end gerust,
End wie aen dijnen heyl heeft lust,
Moet dijnen lof gestadich singen.

3. Ick ben verdruckt end bijster erm,
Wil my dan stracx, O God, behoeden:
Vertoef niet lang, maer wil dy spoeden,
Want du bist mijnen schut end scherm.